ໂຮງແຮມ ເລີທາດຫຼວງ ດໍຣ ຕັ້ງຢູ່ຊຸມຊົນດັ້ງເດີມແຫ່ງໜຶ່ງໃນນະຄອນຫຼວງວຽງຈັນປະເທດລາວ ມີຄວາມໂດດເດັ່ນທາງດ້ານການອອກແບບທີ່ປະສົມປະສານລະຫວ່າງສະຖາປັດຕະຍາກຳລາວແບບດັ້ງເດີມກັບຝຣັງເສດ. ທ່ານຈະໄດ້ສຳພັດກັບການພັກຜ່ອນ ທີ່ຜ່ອນຄາຍໃນຫ້ອງພັກທີ່ມີຄວາມໂດດເດັ່ນທາງດ້ານສະຖາປັດຕະຍາກຳ, ໂຮງແຮມຂອງພວກເຮົາມີຫ້ອງພັກທັງໝົດ 55 ຫ້ອງ ໂດຍແຕ່ລະຫ້ອງມີສະໄຕລ໌ການຕົບແຕ່ງທີ່ແຕກຕ່າງກັນຫຼາຍກວ່າ 08 ປະເພດຫ້ອງດ້ວຍກັນ, ພາຍໃນຫ້ອງຕົບແຕ່ງດ້ວຍເຟີນີເຈີທີ່ຫຼູຫຼ່າສະໄຕລ໌ຝຣັງເສດປະສົມປະສານເອກະລັກຄວາມເປັນລາວ ເຊັ່ນ: ໂຊຟາ, ເບາະນັ່ງ ແລະ ຜ້າພົມທີ່ມີລວດລາຍອັນສວຍງາມ ພ້ອມດ້ວຍຜົນງານສີນລະປະ ຮູບພາບຕາມພະໜັງຫ້ອງທີ່ຂຽນແຕ້ມດ້ວຍລາຍມື ແລະ ງານຫັດຖະກຳອື່ນໆທີ່ຍັງສື່ເຖິງປະຫວັດສາດຄວາມເປັນລາວທີ່ວາງໂຊຕາມຈຸດຕ່າງໆໃນຫ້ອງ.